شاندێکی هەرێمی کوردستان سەردانی بەغدا دەکات

ئاڤا نیوز

بۆ بەدواداچوونی سێ پرسی پەیوەست بە خاوەن پێداویستی تایبەت و چاودێری خێزان، شاندێکی هەرێمی کوردستان بەسەرپەرشتی وەزیری کار و کاروباری کۆمەڵایەتی دەچێتە بەغدا.

وێنە گەورەکە: حکومەتی هەرێمی کوردستان دەیەوێت خاوەن پێداویستییە تایبەتەکانی هەرێمی کوردستان هاوتای عێراق بکات،  کەمترین مووچە دەبێتە 250 هەزار دینار، کە ئێستا 100 بۆ 150 هەزار وەردەگرن.

لێدوانی فەرمی: کوێستان محەممەد، وەزیری کار و کاروباری کۆمەڵایەتی ڕایگەیاند: "سەرەتای مانگی داهاتوو بە یاوەری شاندێک دەچمە بەغدا بۆ هاوتاکردنی مووچەی 72 هەزار خاوەن پێداویستی تایبەت و تۆمارکردنی 13 هەزار و 120 خاوەن پێداویستی تایبەت لیژنەیان کردووە و چاوەڕوانن مووچەیان بۆ ببڕێتەوە".

زانیاریی زیاتر: لە 2015 پارەی چاودێری خێزان بڕاوە، ئامانجمانە هاوشێوەی دوو ملیۆن خێزانی عێراق، ئەو بڕە پارەیە بۆ هەرێمی کوردستان دابین بکرێتەوە.
وەزیری کار و کاروباری کۆمەڵایەتی وای گوت.