سەرۆکوەزیران بارزانی: پێداگیرین لەسەر قەرەبووکردنەوەی قوربانییانی دەستی ڕژێمی بەعس

ئاڤا نیوز

 

سەرۆکوەزیران بارزانی لە ساڵڕۆژی جینۆسایدی بارزانییەکان جەخت دەکاتەوە کە حکومەتی هەرێمی کوردستان پێداگیرە لەسەر ئەوەی قەرەبووی بنەماڵە و کەسوکاری قوربانییان بە ماددی و مەعنەوی بکرێتەوە.

 

چیرۆکی سەرەکی: 41 ساڵ بەسەر ئەنفالی بارزانییەکان تێدەپەڕێت، ڕژێمی بەعس لە هەڵمەتێکدا هەشت هەزار بارزانی لە مێرمنداڵ، گه‌نج، پياو و پير لە کۆمەڵگە زۆرەملێکانی قوشتەپە، بەحرکە، دیانە و هەریر دەستبەسەر کرد و بۆ بیابانەکانی خوارووی عێراقی گواستنەوە و زیندەبەچاڵیانی کرد، تاوەکو ئێستاش ڕووفاتی هەموویان نەدۆزراوەتەوە.

 

پەیامی فەرمی: سەرۆکوەزیران بارزانی لە پەیامێکی فەرمیدا دەڵێت، "دەڤەری بارزان هەمیشە مەڵبەندی شۆڕش و ڕاپەڕین و تێکۆشان بووە لەپێناو بەرگریکردن لە مافەکانی گەلی کوردستان، بۆیە دووچاری چەندین شاڵاوی وێرانکردن و سووتاندن و کۆمەڵکوژی بووەتەوە".

 

گۆشەیەکی دیکەی دیمەنەکە: حکومەتی هەرێمی کوردستان لە گفتوگۆ و دانوستانەکانیدا لەگەڵ حکومەتی فیدراڵ، هەمیشە پێداگرە لەسەر ئەوەی دەبێت بنەماڵە و کەسوکاری قوربانییانی دەستی ڕژێمی پێشووی عێراق، بە شێوەیەکی شایستە، قەرەبووی ماددی و مەعنەویی بکرێنەوە.
سەرۆکوەزیران بارزانی لە پەیامەکەی وادەڵێت.