کونسوڵی بەریتانیا جلی کوردی بۆ جەژنی نەورۆز بە دوورین دەدات

ئاڤا نیوز

 

پارێزگارى هه‌ولێر و کونسوڵی بەریتانیا لە هەولێر سەردانی چەند شوێنێکی کولتووری و مێژووییان لە هەولێر کرد و کونسوڵی بەریتانیا جلی کوردی بۆ جەژنی نەورۆز بەدووریندا. 

 

وێنە گەورەکە: جەیمس گۆڵدمان، وەک کونسوڵی گشتیی بەریتانیا لە هەولێر دەستبەکاربووە، ئومێد خۆشناو، پارێزگارى هه‌ولێر لە قاوەخانەى کولتووری مه‌چکۆ پێشوازی لێ کرد؛ پاشان بەیەکەوە سه‌ردانى قه‌ڵات و چه‌ند شوێنێكى كولتوورى و مێژووییان لەنێو بازاڕ و قه‌یسه‌رى هەولێر کەبابخانەی یاسین و چایەخانەى مام خەلیل كرد.

 

لێدوانی فەرمی: کونسوڵی بەریتانیا، وێڕاى ئەوەى خۆشحاڵی خۆى به‌و ئارامى و ئاسایشى و ئازادییه‌ى له‌ پایته‌ختى هه‌رێمى كوردستان به‌رقه‌راره‌ نیشاندا، لە خۆشەویستى بۆ قارەمانیێتىی پێشمەرگە و کوردستان، جلى کوردى بۆ جەژنى نەورۆز بەدووریندا، تاوەکو بۆ جەژنى نەورۆز بەو جلەوە پیرۆزبایی لە هاووڵاتیان و کوردستانیان بکات.