شەش نۆرینگەی کلینیکی ددان لە هەولێر داخران

ئاڤا نیوز 

بەڕێوەبەرایەتی گشتیی تەندروستی هەولێر ڕایگەیاند، شەش کلینکی ددان داخران و هەشتی دیکەش ئاگادارکردنەوەیان پێدراوە.

ڕاگەیێنراوی فەرمی: بەڕێوەبەرایەتی گشتیی تەندروستی هەولێر بڵاویکردەوە، بەهۆی پابەندنەبوونیان بە ڕێنماییەکان و نەبوونی مۆڵەت، شەش نۆرینگەی کلینیکی ددان لە دارەتوو داخران.

زانیاریی زیاتر: لیژنەکانەکانی قایمقامییەت و سەندیکای پزیشکانی ددان، ئاگادارکردنەوەیان بە هەشت نۆرینگەی ددان داوە، تا پابەندبن بە ڕێکارەکان. 

بۆچی گرنگە: ئەم هەوڵانەی حکومەت ڕێگری لە کاری نایاسایی لە بواری تەندروستی دەکات.