لە ماوەی 10 ساڵدا زیاتر لە هەزار بەڵێندەر لە سلێمانی مایەپووچ بوون

ئاڤا نیوز

بەڵێندەرانی  سلێمانی داواکاری خۆیان نوێکردەوە بۆ پێدانی پارەی ئەو پڕۆژانەی کە لە ساڵی 2014ەوە تەواو کراون و خەرجکردنیان وەستاون، هاوکات لە ماوەی 10 ساڵدا زیاتر لە هەزار بەڵێندەر لەو پارێزگایە  مایەپووچ بوون.

وێنە گەورەکە: بەڵێندەران لە ساڵی 2014ەوە تاوەکو ئێستا لە کێشەدان بەهۆی خەرجنەکردنی شایستە داراییەکانیان بۆ پڕۆژە تەواوکراوەکان، پێنەدانی گەرەنتی دارایی و خەرجکردنی بیمەی پەیوەست بە پڕۆژە تەواوکراوەکان.

لێدوانی فەرمی: ژین عەبدوڵڵا، گوتبێژی یەکێتیی بەڵێندەرانی سلێمانی ڕایگەیاند: "دوو کۆبوونەوەی جیاواز لەگەڵ کارگێڕی بانکی هەرێم و بانکی ناوەندی لقی سلێمانی کراون، ڕێککەوتن لەسەر پێکهێنانی لیژنەیەک و خەرجکردنی گەرەنتی دارایی و بەگوێرەی ڕێژەی تەواوکردنی پڕۆژەکان  لە ماوەی سێ ڕۆژدا."

زانیاريی زیاتر: لە کۆی هەزار و 200 بەڵێندەر، ئێستا تەنیا 100 بەڵێندەر لە سنووری پارێزگای سلێمانی کاردەکەن، ئەوانەی دیکە پڕۆژەکانیان بۆهۆی بێ پارەییەوە وەستاندووە. گوتبێژی یەکێتیی بەڵێندەرانی سلێمانی وای گوت.

باکگراوند: لەماوەی 01-02-2023 تا 07-01-2024، بڕی 179 ملیار دینار بۆ پڕۆژەی نوێ لە سلێمانی خەرجکراوە.