کۆمیسیۆن شیاو بوونی سێ بەربژێری نەوەی نوێ ڕەتدەکاتەوە

ئاڤا نیوز  

 
کۆمیسیۆنی هەڵبژاردنەکانی عێراق شیاوبوونی سێ بەربژێری نەوەی نوێی بۆ هەڵبژاردنی پەرلەمانی کوردستان ڕەتکردەوە، دەڵێت مەرجەکانی بەربژێربوونیان تێدانەبووە.

وێنە گەورەكە: بۆ هەڵبژاردنی خولی  شەشەمی پەرلەمانی  کوردستان  کە 20-10ی ئەمساڵ دەکرێت، دەرگای  پێشکەشکردنی ناوی بەربژێران داخراوەو لەئێستادا ناوی بەربژێران لە وەزارەتی ناوخۆ و دەستەی دەستپاکییە تا شیاوبوونی بەربژێرییان بۆ هەڵبژاردن پەسەند بکرێت. 

نوسراوی فەرمی: ئەنجومەنی کۆمیسیارانی کۆمیسیۆنی هەڵبژاردنەکانی عێراق ئەمڕۆ سێشەممە کۆبووەوە و ڕایگەیاند: بەهۆی ئەوەی بەربژێربوونیان پێچەوانەی ڕێنماییەکانی کۆمیسیۆن بووە، هەریەکە لە (هێلین ئەكرەم بەربژێری کۆتای مەسیحییەکان، هێمن عومەر، سامان مەحمود و دیاری هیدایەت بەربژێرانی لیستی نەوەی نوێ لە پارێزگای سلێمانی)، بڕیاردراوە لە بەربژێربوون بۆ هەڵبژاردنی پەرلەمانی کوردستان دووربخرێنەوە.

زانیاریی زیاتر: "پێویستە سێ لەو بەربژێرانە لە سێ رۆژی دوای ئەم بڕیارە، لەلایەن لیستی نەوەی نوێ وە جێگرەوەیان بۆ دیاری بکرێت، بەڵام هێلین ئەكرەم بەهۆی ئەوەی بەربژێری تاکە کەسییە، شوێنگرەوەی بۆ دانانرێت".