دەست بە دابەشکردنی هاوکاریی دارایی هاوپەیمانان دەکرێت

ئاڤا نیوز

 

هاوکاریی دارایی هاوپەیمانان بۆ مانگی حەوت ئامادەیە، سبەی بەسەر لیوا هاوبەشەکانی هێزەکانی پێشمەرگەدا دابەش دەکرێت. 

وێنە گەورەکە: هاوکاری دارایی هاوپەیمانان ئامادەیە و زیاتر لە 50 هەزار پێشمەرگە لێی سوودمەند دەبن، مانگانە هەر ئەفسەر و پلەدارێک بڕی 432 هەزار لە هاوپەیمانان وەردەگرن، بەڵام لەم مانگەوە بۆ 382 هەزار کەمدەبێتەوە.

هۆکارە زانراوەکان: بەهۆی ئەوەی هێزی پشتیوانی دوو  و بەڕێوەبەرایەتی بەشی ژمێریاری وەزارەتی پێشمەرگە چاوپێکەوتنیان کردووە لەو هاوکارییە سوودمەند دەبن، ئەو بڕەی لەلایەن هاوپەیمانان دابینکراوە دەستکاری ناکرێت، بۆیە هاوکارییەکە کەمدەبێتەوە.

زانیاریی بەدەستهاتوو: سەرچاوەیەک لە وەزارەتی پێشمەرگە بە ئاڤا نیوزی گوت: "سبەی پێنجشەممە 08-08-2024 دەست بە دابەشکردنی هاوکاریی دارایی هاوپەیمانان بەسەر لیوا هاوبەشەکانی هێزەکانی پێشمەرگە بۆ مانگی حەوت دەکرێت".