پزیشكیان بۆ ماكرۆن: پێویستە ئیسرائیل كۆمەڵكوژی لە غەززە ڕابگرێت

ئاڤا نیوز

 

سەرۆككۆماری ئێران و سەرۆككۆماری فەرەنسا بە تەلەفۆن قسەیان كرد و باسیان لە دۆخی غەززە و ئەگەری هێرشی ئێران بۆ سەر ئیسرائیل كرد.

 

وێنە گەوەكە: دوای كوشتنی ئیسماعیل هەنیە، ئێران بەنیازە هێرشێک وەك تۆڵەسەندنەوە بكاتە سەر خاكی ئیسرائیل و تێلئەڤیڤیش هەڕەشەی وەڵامدانەوەی خێرا دەكات لە ئێران. لە هەمانکاتدا وڵاتانی ناوچەكەش ڕۆڵ دەگێڕن  و  لە هەوڵدان بۆ ئەوەی ئێران  هێرشەکە نەکات و دۆخی ناوچەکە  زیاتر خراپتر نەکات.

 

ئەوەی ئێستا ڕودەدات: لە پەیوەندییەكی تەلەفۆنیدا سەرۆككۆماری ئێران بە ئیمانوێل ماكرۆن، سەرۆككۆماری فەرەنسای گوتووە:” پێویستە واشنتن و وڵاتانی ڕۆژئاوا هەوڵی ڕێگریکردن لە شەڕ بدەن و ئیسرائیل ناچار بکەن کۆمەڵکوژی لە غەززە ڕابگرێت و ئاگربەست قبوڵ بکات”.

 

لەلایەكی ترەوە: فەرەنسا پشتیوانی خۆی بۆ هەوڵە نێودەوڵەتییەكان دەربڕییوە بۆ چارەسەركرنی كێشەكان و ئاگربەست لە كەرتی غەززە .