نوێنەری حکومەتی هەرێمی کوردستان لە بەغدا: لە ماوەیەکی نزیکدا مووچە دەنێردرێت

ئاڤا نیوز

سەرۆكی نوێنەرایەتی حکومەتی هەرێمی کوردستان لە بەغدا ڕایگەیاند، بابەتی مووچە هیچ کێشەیەكی نەماوە و لە نزیک پارەکە دەنێردرێت.

وێنە گەورەکە: وێرای ئەوەی هەموو داواکارییەکانی وەزارەتی دارایی عێراق جێبەجێکراون، بەڵام تاوەکو ئێستا مووچەی مانگی تەممووزی مووچەخۆرانی هەرێمی کوردستان نەنێردراوە.

لێدوانی فەرمی: فارس عیسا، سەرۆكی نوێنەرایەتی حکومەتی هەرێمی کوردستان لە بەغدا لە کۆنگرەیەکی ڕۆژنامەوانیدا گوتی: "پرسی مووچە هیچ کێشەیەکی نەماوە و حکومەتی هەرێمی کوردستان هەموو داتاكانی بۆ وەزارەتی دارایی عێراق ناردووە".

زانیاریی زیاتر: "هەردوو دیوانی چاودێری دارایی هەرێمی کوردستان و عێراق بە هەماهەنگی هەموو کارەکانیان جێبەجێ کردووە، هەندێک تێبینی ماون، بەڵام وەک کێشە نەماوە و لەماوەیەکی نزیکدا مووچە بۆ هەرێمی کوردستان دەنێردرێت". فارس عیسا، وادەڵێت.