وەزارەتی دارایی بۆ ئاڤا: سبەی 120 ملیار داهاتی ناوخۆ بۆ بەغدا دەنێرین

ئاڤا نیوز

سەرچاوەیەک لە وەزارەتی دارایی و ئابووری حکومەتی هەرێمی کوردستان بە ئاڤای وت، سبەی 120 ملیاری داهاتی ناوخۆ بۆ بەغدا دەنێردرێت.

زانیاریی تایبەت: سەرچاوەیەک لە وەزارەتی دارایی و ئابووری حکومەتی هەرێمی کوردستان بە ئاڤای ڕاگەیاند: سبەی سێشەممە، 120 ملیار دیناری داهاتی ناوخۆ بۆ مانگی هەشت دەخەینە سەر هەژماری لقی هەولێری بانکی ناوەندی عێراق.

زانیاریی زیاتر: ئەو سەرچاوەیەی وەزارەتی دارایی دەشڵێت: ئەمڕۆ نووسراو بۆ ناردنی 120 ملیارەکە دەکەین و سبەی دەنێردرێت، چاوەڕێ دەکرێت سبەی لە کۆبوونەوەی ئەنجوومەنی وەزیرانی عێراق بڕیار لەبارەی ناردنی مووچەی مانگی هەشت بدرێت و هیچ بیانوویەک بۆ نەناردنی نەماوە.

ئەوەی پێویستە بیزانیت: لە دوێنێوە تیمێکی تەکنیکی وەزارەتی دارایی و ئابووری هەرێمی کوردستان لە بەغدان و لەگەڵ وەزارەتی دارایی عێراق کۆدەبنەوە و ئەمڕۆ ئێوارەش کۆبوونەوەیان لەگەڵ تەیفی سامی دەبێت. ناوەرۆکی کۆبوونەوەکە پەیوەستە بە میزان موراجەعە، و پرسی داهاتی ناوخۆ و کێشەی 600 مووچەخۆر کە بە درەنگەوە (UPN)ـیان کردبوو، هێشتا مووچەیان بۆ نەبەستراوە.