مامەڵەی خانەنشینی بەشێک لە هێزەکانی پێشمەرگە دەکەوێتە ساڵی داهاتوو

ئاڤا نیوز

لەبارەی خانەنشینی پێشمەرگە نزیکەی 400 پێشمەرگە ماون هێشتا دۆسیەیان تەواو نەبووە، نزیکەی دوو هەزار پلەداریش تەنیا فەرمانی هەرێمییان بۆ گەڕاوەتەوە و مامەڵەیان بۆ نەکراوە.

وێنە گەورەکە: لە ناوەڕاستی ساڵی ڕابردووەوە تا ئێستا هەزاران پلەدار و پێشمەرگە تەمەنیان گەیشتووەتە خانەنشینی، ئەوانەی ساڵی ڕابردوو خانەنشین بوون دۆسییەکانیان بەپێی یاسای خانەنشینی پێشمەرگە ژمارە 38ـی ساڵی 2007 ڕەوانە دەکرێن، بەڵام ئەوانەی ئەمساڵ، بەپێی یاسای خانەنشینی یەكگرتووی عێراق ژمارە 9ـی ساڵی 2014 خانەنشین دەکرێن.

لێدوانی فەرمی: حاجی مەلا ئەمین، بەڕێوەبەری گشتیی خانەنشینی پێشمەرگە و کەمئەندامان بە ئاڤای وت: ناوی ئەمانە هیچیان لە لیستی مووچەی مانگەکانی 11 و 12 زیاد نەکراوە، مامەڵە و تەواوکردنی دۆسیەکانیان دەکەوێتە ساڵی داهاتوو، ئەوکات سەرجەم مووچەکانی ئەمساڵیشیان بۆ قەرەبوو دەکرێتەوە.