نرخی یەک ئۆنسە زێڕ 20 دۆلار دادەبەزێت

ئاڤا نیوز

نرخی زێڕ لەگەڵ کرانەوەی بۆرسەدا دابەزی، ئەندامێکی سەندیکای زێڕنگرانی هەولێریش لەوبارەیەوە دەڵێت: چاوەڕوان دەکرێت نرخی زێڕ زیاتر داببەزێت.

لێدوانی فەرمی: سەفین وەرتی، ئەندامی سەندیکای زێڕنگرانی هەولێر بە ئاڤای وت: ڕۆژی هەینی ڕابردوو هەر ئۆنسەیەک زێڕ 200 دۆلار لە نرخی دابەزی، ئەمڕۆ دووشەممە لەگەڵ کرانەوەی بۆرسەدا، هەر ئۆنسەیەک زێڕ 20 دۆلار و مسقاڵێک زێڕ سێ هەزار دابەزیووە.

لەلایەکی دیکەوە: ئەندامەکەی سەندیکای زێڕنگران دەڵێت، شارەزایانی بواری زێڕ پێشبینی دەکەن کە دابەزینی نرخی زێڕ بەردەوامبێت.

ژمارەکان وا دەڵێن: نرخی زێڕ لە بازاڕەکاندا بۆ ئەمڕۆ دووشەممە بەم جۆرەیە:

٠ یەک ئۆنسە زێڕ بە چوار هەزار و 234 دۆلارە

٠ مسقاڵێک زێڕ عەیار 22 بە 914 هەزار دینارە

٠ مسقاڵێک زێڕ عەیار 21 بە 872 هەزار دینارە

٠ مسقاڵێک زێڕ عەیار 18 بە 748 هەزار دینارە