داعش کۆنسێرتێکی تایلۆر سویفت هەڵدەوەشێنێتەوە

ئاڤا نیوز

کۆنسێرتێکی گۆرانیی هونەرمەندی ئەمریکی تایلۆر سویفت، لە ڤیەننای پایتەختی نەمسا بەهۆی هەڕەشەی داعش هەڵوەشێنرایەوە.

وێنە گەورەکە: ڕێکخەرانی کۆنسێرتەکە ڕایانگەیاندووە، دوای هۆشداریی دەستەڵاتدارانی ناوچەکە، کۆنسێرتەکەیان هەڵوەشاندووەتەوە. 

ئەوەی پێویستە بیزانیت: بە گوێرەی سەرچاوەکان داعش پلانی هێرشکردنە سەر کۆنسێرتەکەی هەبووە، ئەوەش لە ڕێگەی ئەنجامدانی "کردەی خۆکوژی"یەوە و بە ئامانجی کوشتنی "ژمارەیەکی زۆر کەس".

ڕاگەیێنراوی فەرمی: دەزگای هەواڵگریی نەمسا ڕایگەیاندووە، کەسێکی 19 ساڵ هاوسۆزی بۆ داعش هەبووە و پلانی بۆ ئەنجامدانی هێرشی خۆکوژی بۆ سەر کۆنسێرتەکەی تایلۆر سویفت داناوە. دوو کەس پەیوەست بەم پلانە دەستگیر کراون.