چەند تەقینەوەیەک لە سووریا ڕوویاندا

ئاڤا نیوز

 

له‌ ناوچه‌ی شوعه‌یرات لە ده‌ڤه‌ری ڕۆژهەڵاتی حومس له‌سووریا، چه‌ند ته‌قینه‌وه‌یه‌كی به‌هێز ڕوویاندا، میدیاکانی سووریاش پێشبینی هێرشی ئاسمانی ئیسرائیل ده‌كه‌ن. 

زانیاریی به‌ده‌ستهاتوو: به‌گوێره‌ی ڕوانگەی سووری بۆ مافەکانی مرۆڤ، تەقینەوەكان پێدەچێت لە ئەنجامی هێرشی ئاسمانی ئیسرائیل بێت بۆ سه‌ر جبه‌خانه‌ی هەڵگرتنی چەک و ته‌قه‌مه‌نی فەوجی حەمراتی نزیک فڕۆکەخانەی سەربازی شوعه‌یرات لە ده‌ڤه‌ری ڕۆژهەڵاتی حومس له‌سووریا.

زانیاريی زیاتر: به‌هۆی دۆخی ئه‌منیی ئاڵۆزی ناوچه‌كه‌، تائێستا ‌ئه‌نجامی‌ ته‌قینه‌وه‌كان نه‌زانراوه‌، به‌رپرسانی سه‌ربازی سووریاش هیچ ڕوونكردنه‌وه‌یه‌كیان له‌سه‌ر ڕووداوه‌كه‌ نه‌داوه.‌