سەرۆکایەتیی ئەرکان: قسەیەک لەبارەی کشانەوەی هێزەکانی ئەمریکا کراوە و فەرمی نییە

ئاڤا نیوز

 

سەرچاوەیەکی باڵا لە سەرۆکایەتیی ئەرکانی وەزارەتی پێشمەرگە ڕایگەیاند، قسەیەک بۆ کشانەوەی هێزەکانی ئەمریکا لە عێراق هەبووە، بەڵام بە فەرمی هیچ ڕێککەوتنێک نییە.

 

لێدوانی فەرمی: سەرچاوەیەکی باڵا لە سەرۆکایەتیی ئەرکان بە ئاڤا نیوزی گوت: قسەیەک لەبارەی کشانەوەی هێزەکانی ئەمریکا لە عێراق هەبووە، بەڵام هیچ ڕێککەوتنێکی فەرمی بۆ کشانەوەیان نەکراوە، تاوەکو بگوترێ چەند بمێننەوە یان بکشێنەوە.

 

زانیاری زیاتر: ئەو سەرچاوەیە ئەوەشی گوت، کورد لەنێو ئەو قسانەی بۆ کشانەوەی هێزەکانی ئەمریکا کراوە، نەبووە و ئاگاداری ئەوەش نییە، تا بڵێت لەگەڵیم یان نیم.

 

زانیاریی تایبەت: سەرۆکوەزیرانی عێراق سەرکردەکانی چوارچێوەی هاوئاهەنگی ئاگادار کردووەتەوە کە ڕێککەوتنێک لەگەڵ ئەمریکا بۆ کشانەوەی هێزەکانیان بە دوو قۆناغ کراوە، بە جۆرێک مانگی نۆی ئەمساڵ لە عێراق دەکشێنەوە و ساڵی داهاتووش لە بنکەی هەریر دەکشێنەوە.