لە عێراق شوێنە گەشتیارییەکان کراونەتە بنکەی سەربازی

ئاڤا نیوز

 

زیاتر لە پێنج ساڵه‌ پلانی حکومەتی عێراق  بەرەو بوژاندنەوەی کەرتی گەشتیاریی دەستیپێکردووە، به‌ڵام تائێستا هیچ گورانكاریه‌كی بەرچاوی به‌خۆوه‌ نه‌بینیووه‌.

 

وێنە گەورەکە: له‌دوای ساڵى 2003ـوه‌ زۆربه‌ی ناوچه‌ گه‌شتیاریه‌كانی عێراق بوونەتە موڵگه‌ی سه‌ربازیی و ئه‌منی. به‌شێكی دیكه‌شیان له‌لایه‌ن هه‌ندێك پارت و كه‌سایه‌تی سیاسی عێراقەوە ده‌ستیان به‌سه‌ردا گیرا.   

 

لێدوانی فەرمی: عه‌بدولقادر جومه‌یلی، بەڕێوەبەری گشتی دامەزراوە گەشتیارییەکانی عێراق به‌ ئاڤا نیوزی گوت: چه‌ندین هۆتێل و شوێنی گەشتیاری زۆر گرنگمان لە  عێراقدا هەیە، بەڵام لەلایەن کەسانی سەربە دامەزراوە ئەمنییەکان و تەنانەت هەندێک فەرمانگەی حکومیشەوە ده‌ستییان به‌سه‌ردا گیراوه‌ و ئاماده‌نین چۆڵیان بکەن.

 

زانیاریی زیاتر: لە ڕێگەی دادگه‌وه‌ سکاڵامان لەسەر زۆربه‌ی ئەو شوێنانه‌ تۆمار کردوه‌، خۆشبه‌ختانه‌ هەندێکیان به‌تایبه‌تی لە بابل و موسڵ له‌ به‌رژه‌وه‌ندی ده‌سته‌ی گه‌شتوگوزار كوتایی هاتووه‌، بەڵام زۆربه‌یان تائێستا وه‌ك خۆیان ماونه‌ته‌وه‌، جومه‌یلی ئه‌مه‌شى گوت.