مونا قەهوەچی: پاراستنی یەكپارچەیی هەرێمی كوردستان ئەركی هەموومانە

ئاڤا نیوز  

مونا قەهوەچی، جێگری سەرۆكی پارتی چاكسازی توركمان ڕایدەگەیێنێت، پاراستنی پەكپارچەیی هەرێمی كوردستان ئەركی هەموو لایەكە.

وێنە گەورەكە: توركمان یەكێكە لە پێكهاتە سەرەكییەكانی هەرێمی كوردستان بەپێی یاسا مافەكانیان پارێزراوە و بەشدارن لە پرۆسەی سیاسی، بۆ ئەم هەڵبژاردنەش پارتە توركمانییەكان كێبڕكێ لەسەر دوو كورسیی كۆتای پەرلەمان دەكەن.

لێدوانی فەرمی: مونا قەهوەچی، جێگری سەرۆكی پارتی چاكسازی توركمان بە ئاڤا نیوزی گوت: هەرێمی کوردستان بەرهەمی خوێنی سەرجەم شەهیدانە بەتەواوی پێکهاتەکانەوە، پاراستنی یەکپارچەیی ئەم هەرێمە دەستورییە لە ئەستۆی هەموو لایەكە.

زانیاریی زیاتر: نابێت قەوارەی دەستووری و یاسایی هەرێمی کوردستان بخرێتە نێو گەمە سیاسییەکان، هیچ کەسێک دەسەڵاتی ئەوەی نییە دابەشبوونی شارەکان بکاتە بەرنامەی سیاسی و بانگەوازی بۆ بکات. مونا قەهوەچی وادەڵێ.