‎لە سلێمانی ڕێز لە نووسەر و رۆژنامەنووس محەممەد ساڵح گیرا

ئاڤا نیوز

 

‎لە شاری سلێمانی لەلایەن دەزگای كولتووری یاد، ڕێز لە قەڵەمی "پڕ ئەزموونی" نووسەر و ڕۆژنامەنوسێک نرا، كە زیاتر لە 50 ساڵە خزمەت بە بوارەکانی نووسین و رۆژنامەوانی و پەروەردە دەکات.

‎لێدوانی تایبەت: ڕێدار سابیر، یەكێك لەهەڵسوڕاوانی دەزگای كولتووری یاد بە ئاڤا نیوزی گوت: لە دەستبەكاربوونمان ئەمەچواردەهەمین  چالاكیمانە، تایبەتمان كردووە بە مامۆستا محەمەد ساڵح كە " نووسەرێكی شایستەیەو شاری سلێمانیش شارێكی زیندووە وهەر بۆیە ئەم چالاكییەمان  هێنایە سلێمانی  مامۆستا نووسەرێكی بەئەزموونی كوردە و پێویستە  ناوی بە زێڕ بنووسینەوە".

‎باكگراوند: مامۆستا محەممەد ساڵح سەعید، لە ساڵی 1932 لە گەڕەكی مەڵكەندی شاری سلێمانی لەدایكبووە، زۆربەی تەمەنی خۆی بۆ پەروەردە و فێركردن تەرخانكردووە.