ئەمریكا لەبەرامبەر هێرش نەكردنەسەر ئیسرائیل بژارەیەک دەداتە ئێران

ئاڤا نیوز

 

ئەمریكا لە بەرامبەر هێرشنەكردنە سەر ئیسرائیل، بژارەیەکی نوێ دەخاتە بەردەم كۆماری ئیسلامی ئێران، ئەمەش ڕۆژنامەیەكی عەرەبی ئاشكرای كردووە.

وێنە گەورەکە: لە 31ی تەموزی ڕابردوو، ئیسماعیل هەنییە ـ سەرۆکی مەکتەبی سیاسیی بزووتنەوەی حەماس لە تاران کوژرا، ئێران ئیسرائیلی تۆمەتبار کرد و هەڕەشەی تۆڵەسەندنەوە دەكات، بەوەش دۆخی ناوچەكە ئاڵۆز بووە.

زانیاریی بەدەستهاتوو: ڕۆژنامەی "جەریدە" لە زاری سەرچاوەیەک لە ئەنجوومەنی باڵای ئاسایشی نەتەوەیی ئێران ڕایگەیاند: بابەتی تۆڵەسەندنەوە لە ئیسرائیل چیتر بۆ ئێرانییەکان جێی گفتوگۆ نییە، بڕیاری هێرشکردنە سەر ئێران چاوەڕوانی فەرمانی ڕێبەری باڵای ئێرانە".

زانیاریی زیاتر: سەرچاوەکە ئەوەشی ئاشکرا کردووە:" تاران بژارەیەکی بەخشندەی لە ئەمریکا وەرگرتووە کە بریتییە لە هەڵوەشاندنەوەی بەشێکی زۆر لە سزاکانی ئەمریکا و گەڕانەوە بۆ ڕێککەوتنی ئەتۆمی لە بەرامبەر دەستبەرداربوونی ئێران لە هێرشکردنە سەر ئیسرائیل".

ئەوەی پێویستە بیزانیت: ئەو بەرپرسە ئەمنییە ئاماژەی بەوە كردووە، ڕەنگە ئێران خۆی لە تۆڵەسەندنەوەی ڕاستەوخۆ بپارێزێت، لەبری ئەوە ئازادیی وەڵامدانەوەی ئیسرائیل بە حوسییەکان و گرووپە چەکدارەکانی دیکە بدات.