پارێزگاری هەولێر لە تەندروستی باوكی سێ شەهیدی گوندی خدرجیجە دەپرسێتەوە

ئاڤا نیوز

 پارێزگاری هەولێر بە نوێنەرایەتی سەرۆکوەزیران بارزانی، لە تەندروستی مام ئیسماعیل کە باوکی سێ شەهیدی گوندی خدرجیجەیە، پرسییەوە.

چیرۆكی سەرەكی: لە سەرەتای مانگی کانوونی یەکەمی 2021، داعش پەلاماری گوندی خدرجیەیان لە سنووری قەزای مەخموور و لە بناری چیای قەرەچووغ دا، لە ئەنجامدا 13 کەس لە هاووڵاتیانی گوندەکە و پێشمەرگە و لە نێویشیاندا سێ کوڕی مام ئیسماعیل شەهیدبوون.

لێدوانی فەرمی: ئەمشەو 8-9-2024، ئومێد خۆشناو پارێزگاری هەولێر ڕایگەیاند: لەسەر داوای سەرۆکوەزیران بارزانی، سەردانی مام ئیسماعیل کرد لە نەخۆشخانە و سڵاو و رێزی سەرۆکوەزیرانی گەیاندە ناوبراو و ماڵباتی شەهید و تەواوی ئامادەیی سەرۆکوەزیرانیشی بۆ چارەسەری پێویست نیشاندا.

لە لایەکی دیکەوە:مام ئیسماعیل سوپاسی سەرۆکوەزیران بارزانی کرد و هەڵوێست و وەفای بەرز نرخاند.