یەکێتی و بابلیوون بەنیازن کۆبوونەوەی ئەنجوومەنی پارێزگای کەرکووک ببەنە بەغدا

ئاڤا نیوز  

لەڕێگەی مۆبایلەوە نامە بۆ ئەندامانی ئەنجوومەنی پارێزگای کەرکووک نێردراوە، ئێوارەی ئەمڕۆ كۆبوونەوەی ئەنجوومەنەكە لە هۆتێلێكی بەغدا بەڕێوەدەچێت.

وێنە گەورەكە: سبەی ئەو وادەیەی بۆ دیاریكردنی پارێزگار و دابەشكردنی پۆستەكانی پارێزگای كەركووك دیاری كراوە كۆتایی دێت، بەڵام هێشتا لایەنەكانی كەركووك لەوبارەیەوە نەگەیشتوونەتە ڕێككەوتن.

زانیاریی بەدەستهاتوو: كاتژمێر  (2:00)ی بەرەبەیانی ئەمڕۆ لەلایەن فراكسیۆنەكانی یەكێتی و بابلیوونەوە نامەیەك لە گرووپی ئەندامانی ئەنجوومەنی پارێزگای كەركووك دادەنرێت، داوا دەكرێت كاتژمێر (8:00)ی ئێوارەی ئەمڕۆ لە هۆتێل ڕەشید لە بەغدا ئامادە بن بۆ بەشداریكردن لە كۆبوونەوەی ئەنجوومەنەكە، كاتژمێر (5:00)ی بەرەبەیان نامەكە ڕەش دەكرێتەوە و كاتژمێر (8:00)ی سەرلەبەیانی ئەمڕۆ جارێكی دیكە دادەنرێتەوە.

لێدوانی فەرمی: سەلوە ئەحمەد، ئەندامی فراکسیۆنی عەرەبی لە ئەنجوومەنی پارێزگای کەرکووک، بە ئاڤا نیوزی گوت: داوا كراوە كاتژمێر 8ی ئێوارە لە هۆتێل ڕەشید لە بەغدا ئامادە بین بۆ بەڕێوەچوونی كۆبوونەوەیەكی ئەنجوومەنەكە.

زانیاریی زیاتر: ئێمە وەڵامی ئەو نامەیە نادەینەوە و لە كۆبوونەوەكە ئامادە نابین، چونكە بەپێی یاسا دەبێت بڕیاری كۆبوونەوە بە نووسراوی فەرمی بێت و لەلایەن بەتەمەنترین ئەندامی ئەنجوومەنەوە بدرێت. سەلوەوا دەڵێت.