دەرگای پێشکەشکردنی داواکاری بۆ کارمەندی سەرژمێری درێژدەکرێتەوە

ئاڤا نیوز

وەزارەتی پلاندانانی عێراق ڕایگەیاند، دەرگای پێشکەشکردنی داواکاری بۆ کارمەندی سەرژمێری دانیشتووان تا 14ی ئەم مانگە درێژکراوەتەوە.

وێنە گەورەکە: بڕیارە 20ی تشرینی دووەمی ئەمساڵ لە عێراق و هەرێمی کوردستان سەرژمێری گشتی دانیشتووان بکرێت، بۆ ئەو مەبەستەش حکومەتی فیدڕاڵ لە ئامادەکارییەکانی بۆ ئەو پرۆسەیە بەردەوامە.

ڕاگەیەنراوی فەرمی: دەرگای پێشکەشکردنی داواکاری لەڕێگەی بەستەری ئەلیکترۆنییەوە تا 14ی ئەم مانگە بەردەوام دەبێت و ئەوانەی مەرجەکانیان تێدایە، دەتوانن لەڕێگەی ئەم بەستەرەوە داواکاری پێشکەش بکەن.

خاڵە ئەرێنییەکان: دوایین سەرژمێری دانیشتووان لە عێراق ساڵی 1997 کراوە و ئەوکاتیش هەرێمی کوردستان لە سەرژمێرییەکەدا بەشدارنەبووە، بۆیە بەرپرسانی حکومەت پرۆسەکە بە گرنگ دەزانن بۆ ئەوەی لەڕێگەی سەرژمێرییەوە بتوانن بەوردی ژمارەی دانیشتووان و ئاستی بژێوییان لە هەر شار، شارۆچکە و گوندێک بزانن.