وەزارەتی تەندروستی لەبارەی دەوامی پزیشکان چەند بڕیارێک دەردەکات

ئاڤا نیوز

 

وەزارەتی تەندروستیی ڕایدەگەیێنێت، نابێت پزیشکی پسپۆر لە ڕۆژی ئێشکگری لە نەخۆشخانەی تایبەت یان نۆرینگەی تایبەت دەوام بکات، بەڵکو دەبێت تەواوی ئێشکگری لە دەوامی حکومی بێت.

 

بۆچی گرنگە: بڕیارەکە لە بەرژەوەندیی گشتییە بە تایبەت چینی هەژاران و ئیدی ترسیان لەوە نامێنێت کە پزیشکی پسپۆر لە نەخۆشخانەی حکومی نابێت بە تایبەت لە کاتەکانی شەواندا.

 

ڕاگەیێنراوی فەرمی: وەزارەتی تەندروستیی هەرێمی کوردستان ڕایگەیاند: نابێت ڕۆژی ئێشکگری پزیشکی پسپۆر و پزیشک بە شێوەی پەیوەندی تەلەفۆن لە دەرەوەی نەخۆشخانە بن و لە کاتی بوونی نەخۆش پەیوەندییان پێوە بکرێت، بەڵکو پێویستە بە بەردەوام لەناو نەخۆشخانە بن. وەزارەتی تەندروستی وادەڵێت.

 

ئەوەی پێویستە بیزانیت: بەکارهێنانی وێنە و ڤیدیۆی نەخۆش و ڕاوێژکردن بە مۆبایل قەدەغەیە و دەبێت نەخۆش بە ئامادەبوونی پزیشک چارەسەر وەرگرێت.