کۆمەڵێک پڕۆژەی خزمەتگوزاری لە سنووری مەخموور و قوشتەپە جێبەجێ دەکرێن

ئاڤا نیوز

 

بە گوژمەی 14ملیار و 200 ملیۆن دینار، ژمارەیەک پڕۆژەی خزمەتگوزاری لە سنووری هەردوو قەزای مەخموور و قوشتەپە جێبەجێ دەکرێن.

 

ڕاگەیێنراوی فەرمی: ئەمڕۆ یه‌كشەممە 11-8-2024، ئومێد خۆشناو، پارێزگارى هەولێر ڕایگەیاند: چەندین پڕۆژەی ئاوه‌دانی له‌ سێكته‌ره‌كانی ئاو و كاره‌با و ڕێگه‌وبان و قوتابخانه‌ و بنكه‌ی ته‌ندروستی لە سنووری مه‌خموور و قوشتەپە و ناحیەکانی سەر بەو دوو قەزایە لە ماوەیەکی نزیكدا ده‌ست بە جێبەجێکردنیان ده‌كرێت.

 

زانیاریی زیاتر: ئومێد خۆشناو ئەوەشی گوت، پارەی تەرخان کرا و له‌سه‌ر بودجه‌ی په‌ره‌پێدانی پارێزگایە و هاوکات ئاسانکاری زیاتر بۆ ڕاییکردنی کاروباری هاونیشتمانیان و پرسەکانی کەمکردنەوەی ڕۆتین دەکرێت.