ئەدێڵ لە ئەڵمانیا داخوازی دەکرێت

ئاڤا نیوز

‎
لەکاتی گۆرانیگوتن و پێشکەشکردنی کۆنسێرت، گەنجێکی ئەڵمانی ئەدێڵ داخوازی دەکات، بەڵام ڕەفزی پێدەدات و ئاشکرای دەکات دەستگیرانی هەیە.

 

چیرۆکی سەرەکی: ئەدێڵ لوری بلو، گۆرانیبێژی بەناوبانگی بەریتانی، ئەمساڵ زنجیرە کۆنسێرتێک لە شارە جیاوازەکانی ئەڵمانیا پێشکەش دەکات. ڕۆژی شەممە لە  کۆنسێرتێکدا ڕووداوێکی سەرنجڕاکێش ڕوویدا، یەکێک لە هەوادارەکانی نووسراوێکی بەرزکردەوە و لێی نوسرابوو: هاوسەرگیریم لەگەڵ دەکەیت"؟

 

لێدوانی فەرمی: داوای ئەوەی ئەدێڵ لافیتەکەی خوێندەوە، وەڵامی دایەوە و گوتی: "ناتوانم هاوسەرگیریت لەگەڵ بکەم، چونکی دەستگیراندارم، بەڵام سوپاست دەکەم". دواتر ئەدێڵ ئەڵقەی مارەبڕینی نیشانی ئامادەبووان دا، ئەمەش دەنگدانەوە و شادی زۆری لێکەوتەوە.

ئەمەش بزانە: ئەدێڵ تەمەنی 36 ساڵە، پێشتر ژیانی هاوژینی پێکهێناوە  و خاوەنی کوڕێکە بەڵام جیابووەتەوە. لە ساڵی 2021یش پەیوەندی لەگەڵ ڕیچ پاوڵ، یاریزانی باسکەی ئەمریکی هەبوو.