بلینکن بۆ سوودانی: عێراق لە پاراستنی ڕاوێژكارە سەربازییەكان بەرپرسیارە

ئاڤا نیوز 

 

وەزیری دەرەوەی ئەمریكا بە تەلەفۆن قسە لەگەڵ سەرۆکوەزیرانی عێراق دەکات و ڕایدەگەیێنێ، بە‌غدا لە پاراستنی ڕاوێژكارە سەربازییەكانی هاوپەیمانان لە وڵاتەکەیدا بەرپرسیارە.

 

وێنە گەورەکە: گرووپەکانی مقاوەی ئیسلامی لە عێراق هەڕەشەی ئەوەیان کردووە ئەگەر ئەمریکا جارێکی دیکە هێرش بکاتە سەر بارەگاکانیان، ئەوانیش هێرش دەکەنە سەر بنکەکانی ئەمریکا لە ناوچەکەدا.

ڕاگەیەنراوی فەرمی: لە پەیوەندییە تەلەفۆنییەکەی نێوان ئەنتۆنی بلینكن، وەزیری دەرەوەی ئەمریکا لەگەڵ محەممەد شیاع سوودانی، سەرۆكوەزیرانی عێراق، باس لە گرنگی تەواوكردنی سەقامگیری ناوچەكە و خۆبەدورگرتن لە ئاڵۆزی  زیاتر کراوە"، وەزارەتی دەرەوەی ئەمریکا وادەڵێت.

زانیاری زیاتر: بلینكن جەختی كردووەتەوە لەسەر بەرپرسیارێتی عێراق لە پاراستنی ڕاوێژكارە سەربازییەكانی هاوپەیمانیی نێودەوڵەتی، لە هێرشی گرووپە چەکدارەکانی هاوپەیمانی ئێران، هەردوولاش پابەندی خۆیان بە بەردەوامی هەماهەنگی بۆ دۆسییەکانی ناوچەکە دووپاتکردووەتەوە.