ئاوی پیس لە سلێمانی بووەتە هۆکاری سکچوون و ڕشانەوە

ئاڤا نیوز  

بەڕێوەبەری گشتیی تەندروستی سلێمانی ڕایگەیاند، ئاوی پیس هۆکارە بۆ بڵاوبوونەوەی سکچوون و ڕشانەوە.

وێنە گەورەکە: لە سلێمانی سکچوون ڕشانەوە بڵاوبۆوەتەوە، بەڕێوەبەری گشتیی تەندروستی سلێمانی هۆکارەکەی دەگەرێنێتەوە بۆ ئاوی پیس و بەکارهێنانی ئاوی بیرەکان.

لێدوانی فەرمی: د. سەباح هەورامی، بەڕێوەبەری گشتی تەندروستی سلێمانی لە کۆنگرەیەکی ڕۆژنامەوانیدا ڕایگەیاند: ئاوی پیس هۆکاری سەرەکی بڵاوبوونەوەی سکچوون ڕشانەوەیە لە ناو هاووڵاتیانی پارێزگای سلێمانی، لەبەر ئەوەی بەشێک لە گەڕەکەکانی سلێمانی ئێستا سوود لە ئاوی بیرەکان وەردەگرن.

ئەوەی پێويستە بیزانیت: لەبەر ئەوەی بەشێکی هاووڵاتیانی سلێمانی پڕۆژەی ئاویان پێ نەگەیشتووە، سوود لە ئاوی بیر و شەمعە وەردەگرن، هەروەها لە وەرزی هاویندا کەشوهەوا گەرمە و ئاو کەمدەبێتەوە، ئەمەش دەرفەتێکی گونجاوە بۆ بڵاوبوونەوەی سکچوون و ڕشانەوە. د. سەباح هەورامی وادەڵێت.