لۆس ئەنجێلۆس خۆی بۆ ئۆڵۆمپیادی 2028 ئامادە دەکات

ئاڤا نیوز

لە ئێستاوە ئەمریکا خۆی بۆ ئۆڵۆمپیادی چوار ساڵی داهاتوو ئامادە دەکات، کە بڕیارە ساڵی 2028 بۆ سێیەمجار میوانداری ئەم چالاکییە جیهانییە بکات .

وێنە گەورەکە: دوای کۆتاییهاتنی یارییەکانی ئۆڵۆمپیادی 2024ی پاریس و ڕادەستکردنی ئاڵای ئۆڵۆمپیاد بە لۆس ئەنجێلۆس، ئەو شارە ڕاستەوخۆ دەستی بە ئامادەکاری کردووە بۆ ئۆڵمپیاد کە بڕیارە لە  هاوینی 2028دا بکرێت.

لێدوانی فەرمی: کەیسی واسێرمەن، بەڕێوەبەری ئاژانسی وەرزشی لۆس ئەنجێلۆس دەڵێت: خۆشحاڵین کە میوانداریی گەورەترین ڕووداوی وەرزشیی جیهان دەکەین. ئەم شارە هەموو هەلومەرجێکی پێویستی لەڕووی کولتووری و وەرزشییەوە دابین دەکات. گەورەیی شارەکە یارمەتیدەرێکی باشە و سوودێکی زۆری بۆ ئەنجامدانی یارییەکان دەبێت.  

باکگراوند: ئەمە دەبێتە سێیەمجار ئۆڵۆمپیاد لە لۆس ئەنجێلۆس سازبکرێت، پێشتریش لە ساڵانی 1932 و 1984 میوانداریی ئۆڵۆمپیادی کردووە.