بە درۆن هێرش دەکرێتە سەر بارەگایەکی حەشدی عەشائیری لە ئەنبار

ئاڤا نیوز

 

بە فڕۆکەی بێفڕۆکەوان بارەگایەکی سەر بە هێزەکانی حەشدی عەشائیری لە بیابانەکانی ئەنبار دەکرێتە ئامانج، بێ ئەوەی هیچ زیانێکی لێ بکەوێتەوە، هێزەکەش ئەوە ئاشکرا دەکات کە فڕۆکەکە هی داعش بووە.

 

وێنە گەورەکە: ئێوارەی ئەمڕۆ سێشەممە 13-8-2024 یەکێک لە بارەگاکانی حەشدی عەشائیری لە بیابانەکانی پارێزگای ئەنبار لەڕێگەی فڕۆکەی بێ فڕۆکەوانەوە دەکرێتە ئامانج.

 

ڕاگەیێنراوی فەرمی: هێزەکانی سە بە شێخ مەندول جوغیفی، لە ڕاگەیەنراوێکدا ئاماژە بۆ ئەوە دەکات: بارەگای هێزی شێخ مەندول سەتم لە ناوچەی جەباب لە بیابانی ئەنبار بە فڕۆکەیەکی بێفڕۆکەوان کە نارنجۆکی دەستی هەڵگرتبوو، هێرشی کراوەتە سەر.

 

زانیاریی زیاتر: فڕۆکەکە هی چەکدارانی داعش بووە، هێرشەکەش هیچ زیانێکی لێنەکەوتووەتەوە.