چەند کەلوپەلێکی دەگمەنی نێو کەشتی تایتانیک لە کۆگایەک هەڵدەگیرێن

ئاڤا نیوز

 

چەند کەلوپەلێکی دەگمەنی نێو کەشتی تایتانیک لە کۆگایەک هەڵدەگیرێن و یەکێک لەو کەلوپەلانە جانتایەکە لە پێستی مار دروستکراوە.

 

وێنە گەورەکە: بی بی سی لە بڵاوکراوەیەکدا باس لەوە دەکات، چانسێکی دەگمەنیان پێبەخشراوە تاوەکو چاودێریی شوێنی هەڵگرتنەوی ئەو کەلوپەلانە بکەن کە لەنێو کەشتی تایتانیکدا دۆزراونەتەوە.

 

زانیاریی زیاتر: یەکێک لەو کەلوپەلە سەرنجڕاکێشانەی کە دۆزراونەتەوە جانتایەکە لە پێستی مار دروستکراوە و دەیان ساڵە لەنێو زەریای ئەتڵەسی ماوەتەوە، ئەو ئێکسسواراتانەی لەنێو جانتاکەدا بوون تاوەکو ئێستا پارێزراون. 

 

لێدوانی فەرمی: تۆماسینا ڕەی، بەڕێوەبەری کۆکردنەوەکانی کۆمپانیای ئاڕ ئێم ئێسی تایتانیک دەڵێت: جانتاکە جانتایەکی جوان و مۆدێرنە لەڕێگەی جانتاکەوە توانیومانە وردەکارییەکانی ژیانی خاوەنەکەی ئاشکرا بکەین، کەسێکی پلە سێ بووە بە ناوی ماریان مینوێڵ، هەروەها لەنێو جانتاکەدا وێنەیەکی کاڵبووەوە هەیە پێدەچێت دایکی ماریان بێت.