ئەمریکا کار بۆ ئارامکردنەوەی دۆخی ڕۆژهەڵاتی ناوەڕاست دەکات

ئاڤا نیوز

زیادبوونی مەترسیی هێرشی ئێران بۆ سەر ئیسرائیل نیگەرانی بۆ ئەمریکا دروستکردووە، بۆیە داوای ئارامکردنەوەی بارۆدۆخەکە دەکات.

لێدوانی فەرمی: لیندا تۆماس، باڵیۆزی ئەمریکا لە نەتەوەیەکگرتووەکان ڕایگەیاند، ئەمریکا جەخت لە ئاسایشی ناوخۆیی دەکاتەوە و لە دژی هەموو هێرشێک و شەڕێک دەوستێتەوە، بۆیە کەمکردنەوەی ئاڵۆزییەکان یەکێکە لە ئامانجەکانی ئەمریکا. 

قووڵتر: ئەمریکا زۆر نیگەرانە لەوەی ئێران هێرش بکاتە سەر ئیسرائیل و ئاڵۆزییەکانی نێوان هەردوولا ڕوو لە زیادبوون بکات و جەنگێکی هەرێمی فراوان سەرهەڵبدات.

زانیاریی زیاتر: ئەمریکا خۆی بۆ هێرشەکانی ئێران ئامادەکردووە، هێزێکی زۆری سەربازی بۆ ڕۆژهەڵاتی ناوەڕاست ناردووە بەمەبەستی یارمەتیدان و پاراستنی ئیسرائیل.