ئەمریکا نزیکەی 100 ملیار دۆلار وەک هاوکاری دەداتە سێ وڵات

ئاڤا نیوز 

ئەنجوومەنی پیرانی ئەمریكا بەزۆرینەی دەنگ ڕەزامەندی لەسەر خەرجكردنی 95.34 ملیار دۆلاری بۆ سێ وڵات دەربڕی.

 

وێنەگەورەكە: ئاڵۆزییەكانی نێوان ئیسرائیل و گرووپە چەكدارەكان لە كەرتی غەززە، بووە هۆی ئەوەی ئەمریكا هاوكارییەكانی بۆ ئۆكراینا و تایوان كەم بكاتەوە، ڕەخنەی زۆریش لە ئەمریكا گیرا بەهۆی پێدانی پارەیەكی خەیاڵی بە ئیسرائیل، ئێستا هاوكارییەكانی ئەمریكا بۆ ئەو سێ وڵاتە كراوەتە یەک پاكێج و بڕیارە چوارشەممە بەتەواوەتی پڕۆژەكە جێبەجێ بكرێت.  

 

ئەوەی پێویستە بیزانیت: پڕۆژەكە لە ئەنجوومەتی پیران 66 دەنگی بەدەستهێنا و 33 سیناتۆریش دژی پڕۆژەكە بوون، لەماوەی یەک ساڵیشدا ئەمریكا زیاتر لە 453 ملیار دۆلار هاوكاریی سەربازی ئۆكراینای كردووە.

 

ژمارەكان وادەڵێن:

· پاكێجی هاوكارییەكان بۆ ئەو سێ وڵاتە بریتییە لە 95.34 ملیار دۆلار
·  لەو بڕەش 60 ملیاری بۆ ئۆكراینا دەبێت
·  نزیکەی لە 28 ملیار بۆ ئیسرائیل 
·  نزیکەی لە حەوت ملیار بۆ تایوان