گووگڵ مۆبایلی پیكسڵ نۆی نمایش كرد

ئاڤا نیوز

كۆمپانیای گووگڵ پەردەی لەسەر مۆبایلی پیكسڵ نۆ لادا، دیزاینێكی نوێ و تایبەتمەندی کاراتر و كامێرای پێشکەوتووتری هەیە.

وێنە گەورەكە: نوێترین مۆبایلی Pixel 9 ی گووگڵ لە ئیڤێنتی Made by Google نمایش كرا، دیزاینێكی نوێ و سیستەمی كامێرای پێشكەوتوو و توانایAI  بەرزكراوەی هەیە، لەگەڵ سیستەمی كارپێكردنی ئەندرۆید 14 دەخرێتە بازاڕەوە و نرخەكەی لە 799 دۆلارەوە دەستپێدەكات.

زانیاريی زیاتر: مۆبایلەكە پێكدێت لەم مۆدێلانە: (Pixel 9، Pixel 9 Pro، Pixel 9 Pro Fold و Pixel 9 Pro XL) چیپسێتی نوێی Tensor G4 و ڕامی 12 گێگابایت و شاشەیەكی 6.3 ئینج لەخۆدەگرێت كە تا 2700 نیت ڕووناكی هەیە، كامێرای سەرەكی دواوە بە قەبارەی 50 مێگاپێكسڵ و كامێرای ئەڵترا وایدی 48 مێگاپێكسڵ، لەگەڵ كامێرای پێشەوەی 10.5 مێگاپێكسڵ.