ڤیدیۆ؛ کارمەندێکی وەزارەتی دارایی عێراق لەکاتی وەرگرتنی بەرتیل دەستگیر دەکرێت

ئاڤا نیوز

 

دەستەی نەزاهەی عێراق ڤیدیۆی ساتی دەستگیرکردنی کارمەندێکی وەزارەتی دارایی عێراقی لە بەغدا لە کاتی وەرگرتنی بەرتیل لە هاوڵاتییەک بڵاوکردووەتەوە.

 

ڕاگەیێنراوی فەرمی: دەستەی نەزاهەی عێراق ڕایگەیاند: کارمەندێکی وەزارەتی دارایی عێراق، دەستگیر کرا، بەهۆی وەرگرتنی بڕێک پارە لە هاووڵاتییەک، تاوەکو ئاسانکاری بۆ بکات لە ڕاییکردنی مامەڵەی بەکرێدانی باڵەخانەیەک لە پارێزگای دیوانیە.

 

چی ڕووی دا: تۆمەتبار لە کاتی وەرگرتنی بەشی یەکەمی پارەکەی کە بڕی 500 دۆلار بوو لەکۆی 30 هەزار دۆلار، لە یەکێک لە بازاڕە قەرەباڵخەکانی شاری بەغدا بۆسەی بۆ دانرابوو، لەو کاتەی کە هاوڵاتییەکە پارەکەی پێدەدات دەستگیر دەکرێت.

 

زانیاریی زیاتر: هاوڵاتییەکە سکاڵای تۆمار کردبوو کە کارمەندێک داوای پارەی لێدەکات بۆ ڕاییکردنی مامەڵەی بەکرێدانی باڵەخانەکەی.