لە دانوستانەکانی غەززە "هەندێک بەرەوپێشچوون" بەدەست هاتوون

ئاڤا نیوز

 

چەند سەرچاوەیەکی ئەمریکی ئاشکرایان کردووە لە ڕۆژی یەکەمی دانوستانەکانی ئاگربەستی غەززە، هەندێک بەرەوپێشچوون بەدەست هاتوون.

 

وێنە گەورەکە: ڕۆژی پێنجشەممە، 15-8-2024 دانوستانەکانی تایبەت بە ئاگربەستی غەززە و بەردانی بارمتەکان لە دەوحەی پایتەختی قەتەر بەڕێوە چوون. بڕیارە دانوستانەکان بۆ ڕۆژی هەینیش بەردەوام بن.

 

زانیاریی زیاتر: لەم گەڕەی دانوستانەکاندا نێوەندگیرە ئەمریکی، قەتەری، میسرییەکان لەگەڵ دانوستانکارە ئیسرائیلییەکان گفتوگۆ دەکەن.

 

ئەوەی پێویستە بیزانیت: حەماس ڕاستەوخۆ لەم دانوستانانەدا بەشدار نییە.

 

بۆچی گرنگە؟ بەرپرسانی ئیسرائیلی ڕایانگەیاندووە ئەمە "دوایین دەرفەتە" بۆ گەیشتن بە ڕێککەوتن سەبارەت بە ئاگربەست و بارمتەکان.