كاوە مەحموود: پارتی حیزبێكی كاریگەرە لە هەرێمی کوردستان و عێراق

ئاڤا نیوز

 

لە ساڵیادی دامەزراندنی پارتی دیموكراتی كوردستان، سكرتێری گشتیی حیزبی شیوعی كوردستان ڕایگەیاند، پێویستە پارتی لە دوای هەڵبژاردن سەرجەم لایەنە سیاسییەكان كۆبكاتەوە.

 

لێدوانی فەرمی: كاوە مەحموود بە مەجید خزر، پەیامنێری ئاڤا نیوزی گوت: پێویستە لەو بۆنەیەدا هەوڵەكانمان بۆ پاراستنی كیانی هەرێمی كوردستان زیاتر بكەین و ئەمە هاندەرێک بێ بۆ بەردەوامی لە خەبات و تێكۆشان، پارتی حیزبێكی كاریگەری سەرەكییە لە گۆڕەپانی تێكۆشانی سیاسی لە عێراق و هەرێمی كوردستان.

 

زانیاریی زیاتر: سكرتێری گشتیی حیزبی شیوعی ئەوەشی گوت، هەرچەندە ئێستا لەسەروبەندی بەڕێوەچوونی هەڵبژاردنین و ململانێكان زیاد دەبن، بەڵام پێویستە پارتی لە دوای هەڵبژاردن زەمینەیەكی لەبار بۆ سەرجەم لایەنە سیاسییەكان بڕەخسێنێ، بۆ ئەوەی هەموو بەیەكەوە حكومەتێكی یەكگرتووی نیشتمانیی گەورە دروست بێت.