لە غەززە 16 ئەندامی یەک خێزان لە بۆردوومانێکدا کوژران

ئاڤا نیوز 

لە بۆردوومانێکی فڕۆکە جەنگییەکانی ئیسرائیل، 16 کەسی خێزانێک لە ناوەڕاستی غەززە کوژران.

چی ڕووویدا: فڕۆکەی جەنگیی ئیسرائیل ماڵێکی گەڕەکی زووەیدەی ناوەڕاستی غەززەی بۆردوومانکرد، 16 کەس لەو خێزانە بەیەکەوە کوژران، کە نۆ یان منداڵ و سیانیان ژنن، ئیسرائیل تاوەکو ئێستا هیچ ڕوونکردنەوەیەکی نەداوە.

لێدوانی فەرمی: مەحمود باسل، گوتەبێژی بەرگریی شارستانی بە ئاژانسی فرانس پرێسی ڕاگەیاند: بۆردوومانەکە ماڵێکی کردووەتە ئامانج لە گەڕەکی زووەیدا لە ناوەڕاستی غەززە.

ئەوەی لە بارەیەوە دەگوترێت: ئەحمەد ئەبو غول، شایەتحاڵ دەڵێت: نزیکەی کاتژمێر یەکی بەیانی، ئیسرائیل لەناکاو سێ مووشەکی ڕاستەوخۆ ناوە بە ماڵەكەوە کە هەموویان منداڵ و ژن بوون.

باکگراوند: لە ماوەی 11 مانگی شەڕی حەماس و ئیسرائیل، بەهۆی بۆردوومانە بەردەوامەکانی ئیسرائیل نزیكەی 40 هەزار هاووڵاتی لە غەززە گیانیان لەدەستداوە.