پشتگوێخستنی پشیلە دەبێتە هۆی خراپبوونی ڕەفتارەکانی

ئاڤا نیوز  

لە توێژینەوەیەکدا دەرکەتووە، ئەو کەسانەی لە ماڵەوە پشیلەیان هەیە و پشتگوێیان دەخەن، پشیلەکانیان ڕەفتاری ڕۆژانەیان خراپ دەبێت و شەڕانگێز دەبن.

بڵاوکراوەی فەرمی: لە توێژینەوەیەکی ڤێتێرنەری لە زانکۆی ئەنقەرە لە تورکیا دەرکەتووە، هەندێک هۆکار هەیە وەک هەبوونی منداڵان لە ماڵەوە و پستگوێخستنی پشیلە لەلایەن خاوەنەکەیەوە، ئاستی چالاکییەکانیانی پشیلە زیاتر دەكات و  کاریگەری بەرچاوی لەسەر ڕادەی خراپبوونی ڕەفتاری هەیە.

ئەوەی پێویستە بیزانیت: توێژەران ڕاپرسییان لەگەڵ زیاتر لە 1200 خاوەن پشیلە کردووە کە هەموویان خاوەنی تەنیا یەک پشیلە بوون، دەرکەوت هەبوونی منداڵ لە ماڵەوە، بەشدارینەکردن لە چالاکی و یارینەکردنی شەوانە لەگەڵ پشیلە و هێنانی فشار بۆ پشیلە لەسەر ڕەفتارەکانی ئەمانە هەموو بەشدارن لە زیادبوونی خراپبوونی ڕەفاترەکانی پشیلە.