دادگای فیدراڵی شەش سکاڵای تایبەت بە یاسای بودجە ڕەتدەکاتەوە

ئاڤا نیوز

دادگای فیدڕاڵی شەش سکاڵای دژی بڕیاری پەرلەمانی عێراق بۆ پەسەندکردنی خشتەکانی یاسای بودجە ڕەتکردەوە.

چیرۆکی سەرەکی: ژمارەیەک ئەندامی پەرلەمانی عێراق لە شەش سکاڵای جیاوازدا داوایان کردبوو دادگای فیدراڵی ئەو بڕگەیەی خشتەکانی یاسای بودجە بە نادەستووری دابنێت، کە دەسەڵاتی داوەتە ئەنجوومەنی وەزیران بۆ ئەوەی بەگوێرەی ژمارەی دانیشتووان و ڕێژەی هەژاری، دوو ترلیۆن دینار لە دەرەوەی ڕێنماییەکان بۆ پارێزگاکان تەرخان بکات.

ڕاگەیێنراوی فەرمی: دادگای فیدراڵی لە ڕاگەیێنراوێکدا ئەوەی خستووەتەڕوو، بەوشێوەیەی ناوەڕۆکی سکاڵاکانی پێ تۆمارکراوە، بڕیاردان لەسەر سکاڵاکان لە تایبەتمەندی دادگای فیدراڵیدا نییە.

باکگراوند: 11ی ئەم مانگەش دادگای فیدڕاڵی سکاڵایەکی دیکەی لەسەر یاسای بودجە بەهەمان هۆکار ڕەتکردەوە کە دژی ڕاگرتنی دامەزراندن لە کەرتی حکومیدا تۆمارکرابوو.