لە هەولێر هەڵمەتی "ماڵ بە ماڵ نەمام چاندن" دەستپێدەکات

ئاڤا نیوز

 

هەڵمەتی "ماڵ بە ماڵ نەمام چاندن" لەلایەن بەڕێوەبەرایەتیی ئەندازەی پارکەکانی هەولێرەوە دەستی پێکردووە و هەر ماڵێک بێبەرامبەر چوار نەمام و ژمارەیەک گوڵی پێدەدرێت.

وێنە گەورەکە: ماوەی هەفتەیەکە بەڕێوەبەرایەتی ئەندازەی پارکەکانی هەولێر، لەپێناو بەرزکردنەوەی ڕێژەی سەوزایی، هەڵمەتی "ماڵ بە ماڵ نەمام چاندن" و دابەشکردنی نەمامی بەخۆڕایی ڕاگەیاندووە، هەر ماڵێک دوو بۆ چوار نەمام  ژمارەیەک گوڵی پێدەدرێت، ئەگەر بیەوێت لە بەردەم ماڵەکەی بیانچێنێت.

 

لێدوانی فەرمی: عەبدولستار ئەبوبەکر، ئەندازیاری کشتوکاڵی و سەرپەرشتیاری چاندن لە بەڕێوەبەرایەتی ئەندازەی پارکەکانی هەولێر، بە ئاڤا نیوزی ڕاگەیاند: نەمامەکان لە جۆری  ئەلبیزا و سیسەمی هیندین، بەرگەی کەشوهەوای هەولێر دەگرن و بەراورد بە نەمامەکانیتر ئاوی کەمتریان پێویستە، تاوەکو وەرزی چاندنی ئەم جۆرە نەمامانە مابێت هەڵمەتەکە بەردەوام دەبێت. 

 

لایەنە ئەرێنییەکان: لەماوەی یەک هەفتەی هەڵمەتەکەدا زیاتر لە چوار هەزار نەمام و گوڵ بێبەرامبەر دراون بە هاونیشتمانییان، کە  ئامانج لێی بۆ بەرزکردنەوەی ڕێژەی سەوزایییە لە شاری هەولێر.

 

ئەمەش بزانە: نەمام و گوڵەکان لە سێ ناماگەی نموونەیی سنووری بەڕێوەبەرایەتی ئەندازەی پارکەکانی هەولێر بەرهەم دەهێنرێن و هاونیشتمانیان دەتوانن سەردانیان بکەن بۆ وەرگرتنی گوڵ و نەمام بێبەرامبەر.

 

زانیاریی زیاتر: لە ماوەی هەشت مانگی یەکەمی ئەمساڵ 88 هەزار گوڵ و نەمام لە سنووری شەش شارەوانی هەولێر چێنراون.