کۆریای باکوور: پێشڕەوییەکانی ئۆکراینا "تیرۆریستین"

ئاڤا نیوز

 

کۆریای باکوور پێشڕەوییەکانی ئۆکراینا بۆ ناو خاکی ڕووسیا بە کردەوەی تیرۆریستی ناودەبات و دەڵێت ئەم کارە لێخۆشبوونی نییە. 

 

وێنە گەورەکە: کۆریای باکوور و ڕووسیا هەوڵی بەهێزکردنی پەیوەندییەکانیان دەدەن و پشتیوانی لە پاراستنی هاوپەیمانی نێوانیان دەکەن، ئەمریکا و وڵاتانی ڕۆژئاوا کۆریای باکوور بە پشتیوانیکردنی ڕووسیا لە دژی ئۆکراینا تۆمەتبار دەکەن. 

 

ڕاگەیێنراوی فەرمی: ئاژانسی هەواڵی فەرمی کۆریای باکوور (KCNA) لە زاری وەزارەتی دەرەوەی ئەم وڵاتە ڕایگەیاند "هێرشەکانی ئۆکراینا بۆ سەر ڕووسیا تیرۆریستین و دەرەنجامی سیاسەتی هەڵە و دژە ڕووسیی ئەمریکایە کە ئەم دۆخە بەرەو جەنگی جیهانیی سێیەم دەبات". 

 

باکگراوند: مانگی ڕابردوو ڤلادیمیر پووتین و کیم جۆنگ ئون لە پیۆنگ یانگی پایتەختی کۆریای باکوور ڕێککەوتننامەی "هاوکاریی ستراتیجیی گشتگیر"ـیان واژۆ کرد کە ڕێککەوتنێکی بەرگریی دوولایەنەیە.