کارەبای دهۆک: خەڵک داوای سیستمی پریپەید دەکات

ئاڤا نیوز 

 

جێگری بەڕێوەبەری گشتیی کارەبای دهۆک دەڵێت، بە شێوەیەکی گشتیی خەڵک لە سیستمی کارەبای پریپەید ڕازین و  داوا دەکەن سیستمەکەیان بۆ ببەسترێت.

 

وێنە گەورەکە: لە ساڵی 2023 بڕیاری جێبەجێکردنی سیستەمی پریپەید لەلایەن وەزارەتی کارەباوە دراوە و دوای جێبەجێکردنی بەشێکی بڕیارەکە ئێستا وەستاوە بە مەبەستی هەڵسەنگاندن، چاوەڕێ دەکرێت بەمزووانە دەستپێبکرێتەوە.

 

بۆچی گرنگە: ئەم سیستەمە کارەبای 24 کاتژمێری بۆ هاوبەشان دابین دەکات، بە هەدەردانیشی کەم دەکاتەوە، جگە لەوەش کۆتایی بە پارەدانی مانگانە و ژمێریاری گەڕۆک دێنێت.

 

لێدوانی فەرمی: حازم عوسمان، جێگری بەڕێوەبەری گشتیی کارەبای دهۆک بە ئاڤا نیوزی ڕاگەیاند، "ئێمە ناڵێین 100% خەڵک لە سیستمی پریپەیدی کارەبا ڕازین، بەڵام بەگشتی سیستەمەکەیان بەدڵە و لێی ڕازین و گللەیی زۆر کەم هەیە".

 

زانیاریی زیاتر: جێگری بەڕێوەبەری گشتیی کارەبای دهۆک ئاماژە بەوە دەکات، ئێستا سەدان داواکارتی خەڵکیان لایە بۆ ئەوەی سیستمی پریپەیدیان بۆ ببەسترێت، ئەمەش ئەوە دەگەیێنێت بەدڵی خەڵکە.

 

ژمارەکان وادەڵێن: تاوەکو ئێستا 20 هەزار و 805 بەشداربووی سیستمی کارەبای پریپەید لە پارێزگای دهۆک هەیە.