ئەمشەو یەکەم مانگی تابانی ئەمساڵ دەردەکەوێ

ئاڤا نیوز 

 

مانگی تابان لەو کاتەدا دەردەکەوێ، کە مانگ دەگاتە نزیکترین خاڵ لە زەوی و بە گەورەیی و گەشاوەیی دەبینرێ، ئەمشەو بۆ یەکەمجار دەردەکەوێت.

 

چیرۆکی سەرەکی: مانگی تابان، کە لە دیدی مرۆڤدا بەگەورەیی قەبارەکەی و پڕشنگداری و گەشاوەییەکەی لە مانگەکانی دیکە جیادەکرێتەوە، ئەمشەو بۆ یەکەمجار لەمساڵدا لە ئاسمانی کوردستان و زۆربەی ناوچەکانی جیهان دەبینرێت.

 

لێدوانی فەرمی: ئەژی چەتۆ، سەرۆکی ڕێکخراوی فەلەکناسی کوردستان بە ئاڤا نیوزی ڕاگەیاند: کەمترین دووری لەنێوان مانگ و زەوی، کە ئەمشەو ڕوودەدات 361 هەزار و 969 کیلۆمەترە، لەکاتێکدا زۆرترین دووری نێوانییان 405 هەزار و 696 کیلۆمەترە و ئەمشەو قەبارەی مانگ 14-13%گەورەتر و ڕووناکییەکەی 30-27% لە مانگی ئاسایی زیاترە.

 

ئەوەی پێویستە بیزانیت: کاتژمێر 06:59 خولەکی ئێوارە بە کاتی هەولێر مانگ لە ئاسۆی ڕۆژهەڵات هەڵدێت و تاوەکو چەند کاتژمێرێک بەردەوام دەبێت و دیمەنێکی زۆر جوان و سەرنجڕاکێش بەئاسمان دەبەخشێت. 

 

زانیاریی زیاتر: جگە لە ئەمشەو ئەمساڵ سێ جاری دیکە مانگی تابان لە 18-09 و 17-10 و 15-11 دەبینرێت.