هەڤاڵ ئەبوبەكر: دەیان ساڵە دیاردەی دووكەڵی مۆلیدە لە سلێمانی نەماوە

ئاڤا نیوز  

د.هەڤاڵ ئەبوبەکر، پارێزگاری سلێمانی، ڕایدەگەیێنێت، دەیان ساڵە لە سنووری سلێمانی مۆلیدەی دووکەڵدار نەماوە.

وێنە گەورەکە: لە سنووری هەولێر، هەڵمەتی داخستنی پاڵاوگە نایاساییەکان بەردەوامە و تاوەکو ئێستا دەیان پاڵاوگەی نایاسایی داخراون، هاوکات پارێزگاری سلێمانی دەڵێت پاڵاوگەی نایاسایی لە سلێمانی نییە.

لێدوانی فەرمی: د. هەڤاڵ ئەبوبەکر، پارێزگاری سلێمانی لە لێدوانێکی ڕۆژنامەوانیدا ڕایگەیاند: هیچ پاڵاوگەیەکی نایاسایی لە سنووری سلێمانی نییە، هەروەها دەیان ساڵە لە سلێمانی دیاردەی ئەو مۆلیدانەی کە دووکەڵێکی زۆر دەکەن و بێدەنگ نین نەماوە.

زانیاریی زیاتر: هەڤاڵ ئەبوبەکر دەشڵێت: لە سلێمانی یەک پاڵاوگە هەیە جۆرێک بەنزین بەرهەمدێنێت کە لە ناوچەکە تەنیا لە دوبەی هەیە.