لە نەجەف بەهۆی هەڵگیرساندنی شەڕێک 53 کەس دەستگیرکران

ئاڤا نیوز

وەزارەتی ناوخۆی عێراق دەستگیرکردنی 53 کەسی ڕاگەیاند، بەتۆمەتی هەڵگیرساندنی شەڕەکەی شەوی ڕابردووی پارێزگای نەجەف.

ئەوەی پێویستە بیزانیت: شەوی ڕابردوو لە ناوچەی زەرگە لە قەزای کوفەی ناوەندی پارێزگای نەجەف، بەهۆی شەڕی چەکداری نێوان دوو هۆزی ناوچەکە، زیارەتكارێك كوژرا و حەوت کەسی دیکەش بریندار بوون کە لەناویاندا زیارەتکاری ئێران هەیە.

ڕاگەیێنراوی فەرمی: وەزارەتی ناوخۆی عێراق بڵاویکردەوە، هێزی دەستوەردانی خێرا و پۆلیسی نەجەف 53 کەسیان لە هەردوو لایەنی شەڕەکە دەستگیر کردووە.

زانیاریی زیاتر:  سەرجەم ئەو چەکانەی لە شەڕەکەدا بەکارهێنراون دەستیان بەسەردا گیراوە، لێکۆڵینەوەش بۆ دەستگیرکردنی کەسانی زیاتر بەتۆمەتی تێوەگلان لە شەڕەکە بەردەوامە.

ئەمەش بزانە: شەڕەکە لەکاتێکدایە ڕۆژی یەکشەممە 25-8-2024 چلەی شەهیدکردنی ئیمام حوسێنە و بۆ ئەم مەبەستەش ملیۆنان زیارەتکار لە ئێران و ژمارەیەک وڵاتی دیکە هاتوونەتە عێراق.