لە نەجەف لە شەڕی نێوان دوو هۆزدا زیارەتکارێک کوژرا

ئاڤا نیوز  

لە ئەنجامی شەڕی چەکداری نێوان دوو هۆز لەسەر ڕێگای زیارەتکاران لە پارێزگای نەجەف، زیارەتکارێک كوژرا و زیارەتكارێكی دیكەش برینداربوو.

وێنە گەورەکە: بەبۆنەی چلەی ماتەمینی ئیمام حوسێن، ملیۆنان زیارەتکاری شیعەمەزهەبی عێراقی و بیانی سەردانی مەزارگەی ئیمام حوسێن دەکەن لە شاری کەربەلا.

زانیاریی بەدەستهاتوو: سەرچاوەیەکی ئەمنیی ئێوارەی ڕۆژی چوارشەممە بە میدیای عێراقی ڕاگەیاند: لە ناوچەی زەرگە لە قەزای کوفە ناوەندی پارێزگای نەجەف، بەهۆی شەڕی چەکداری نێوان دوو هۆزی ناوچەکە زیارەتكارێك كوژرا و زیارەتكارێكیش برینداربوو.

زانیاریی زیاتر: بەهۆی شەڕەکەوە ترس و دڵەڕاوکێ لەنێو زیارەتکاران دروستبووە، دوای شەڕەکەش هێزە ئەمنییەکان چوونەتە شوێنی ڕووداوەکە و دۆخەکەیان کۆنترۆڵ کردووە.

لە لایەکی دیکەوە: سەرچاوەیەک لە نەخۆشخانەی فورات لە پارێزگای نەجەف ڕایگەیاند، تەرمی کەسێکیان وەرگرتووە کە لە ئەنجامی شەڕی نێوان دوو هۆز لە ناوچەی زەرگە کوژراوە.