لە یەكەم ڕۆژی نمایشدا فیلمی كفن ڕیكۆردی تۆمار كرد

ئاڤا نیوز  

لە یەكەم ڕۆژی نمایشیدا، فیلمی كفن لەڕووی فرۆشتنی بلیتەوە، ڕیكۆردی تۆمار كرد.

چیرۆکی سەرەکی: کفن فیلمێکی کوردییە، بە یەکەم فیلمی درێژی ترسناکی کوردی هەژمار دەکرێت، لە چیرۆکێکی ڕاستییەوە وەرگیراوە و باسی نووشتە و جادوو دەکات، لەلایەن ئاڤا میدیا و کۆمپانیای میترۆنۆم پڕۆدەکشن بەرهەمهێنراوە.

لێدوانی فەرمی: باهۆز نەسرەدین، پڕۆدیوسەری فیلمی كفن بە ئاڤا نیوزی ڕاگەیاند: دوێنێ پێنجشەممە 23-8-2024، یەكەم ڕۆژی نمایشی فیلمی كفن بوو، لەهەر چوار شاری هەولێر و سلێمانی و دهۆك و كەركووك، زۆرترین ژمارەی بلیت فرۆشرا و ڕیكۆردێكی نوێ لەسەر ئاستی سەرجەم فیلمەكان تۆمار كرا.

زانیاریی زیاتر: لە یەكەم ڕۆژی نمایشدا، لە سلێمانی 2150 بلیت، هەولێر 1320 بلیت، كەركووك 740 بلیت، دهۆك 276 بلیت فرۆشرا.

ئەوەش بزانە: سرووشت عەبەڕەش، دەرهێنەری فیلمی كفنە و چەندین ئەکتەری دیاری کورد ڕۆڵی تێدا دەگێڕن و ئێستا لە سەرجەم سینەماکانی هەرێمی کوردستان نمایش دەكرێت و دوو مانگ بەردەوام دەبێت.