بایدن داوا لە ئیسرائیل دەكات لە سنووری میسر و غەززە بكشێتەوە

ئاڤا نیوز 

سەرۆکی ئەمریکا داوای لە سەرۆكوەزیرانی ئیسرائیل کردووە، سوپای ئیسرائیل سنووری نێوان میسر  و غەززە جێبهێڵن، لەپێناو ئەوەی دانوستانی ئاگربەست بەردەوامیی هەبێت و بنیامین نەتنیاهۆش ڕازی بووە.

وێنە گەورەکە: ڕۆژی چوارشەممە 21ی ئابی 2024 جۆ بایدن، سەرۆکی ئەمریکا پەیوەندییەکی تەلەفۆنیی لەگەڵ بنیامین نەتنیاهۆ، سەرۆکوەزیرانی ئیسرائیل كرد، دانوستانی ئاگربەستیان لە غەززە تاوتوێ کرد.

زانیاریی بەدەستهاتوو: یاریدەدەرێکی نەتانیاهۆ بە ماڵپەری "ئاکسیۆس"ی ئەمریکی گوتووە:"سەرۆکوەزیران ڕەزامەندی دەربڕیوە لەسەر گۆڕینی شوێنی یەکێک لە پێگەکانی سوپای ئیسرائیل، بەڵام تەنیا چەند سەد مەترێک".

زانیاریی زیاتر: سەرۆکی ئەمریکا داوای کردووە سوپای ئیسرائیل بە درێژایی سنووری غەززە و میسر بکشێتەوە کە نزیکەی دوو کیلۆ مەتر درێژە، ئیسرائیل لە کاتی دانوستانەکاندا بۆ قۆناغی یەکەمی جێبەجێکردنی ڕێککەوتنەکە، نەخشەیەكی بۆ جێگیرکردنی سوپای ئیسرائیل لە کەرتی غەززە پێشکەش بە میسر کردووە.