بینەرێكی فیلمی كفن: لە ترسا هاتمە دەرەوە

ئاڤا نیوز

پەیامنێری ئاڤا قسەی لەگەڵ بەشێک لە بینەرانی فیلمی کفن کردووە، یەکێکیان دەڵێت "لە ترسا هاتمە دەرەوە".

وێنە گەورەکە: کفن فیلمێکی کوردییە، بە یەکەم فیلمی درێژی ترسناکی کوردی هەژمار دەکرێت، لە چیرۆکێکی ڕاستییەوە وەرگیراوە و باسی نووشتە و جادوو دەکات، لەلایەن ئاڤا میدیا و کۆمپانیای میترۆنۆم پڕۆدەکشن بەرهەمهێنراوە.

ئەوەی پێویستە بیزانیت: سرووشت عەبەڕەش، دەرهێنەری فیلمی کفنە و چەندین ئەکتەری دیاری کورد ڕۆڵی تێدا دەگێڕن و ئێستا لە سەرجەم سینەماکانی هەرێمی کوردستان نمایش دەکرێت و دوو مانگ بەردەوام دەبێت.

ئەوەی لەوبارەیەوە دەگوترێت: یەکێک لە بینەرەکان دەڵێت "پێشبینم دەکرد فیلمەکە ترسناک بێت بەڵام نەک بەمشێوەیە لە ترسا چەند جارێک هاتمە دەرەوە". بینەرێکی دیکە دەڵێت "حەزدەکەم هەموو کوردستان سەیری فیلمەکە بکات".