کۆریای باکوور: توانا ئەتۆمییەکانمان بۆ ڕووبەڕووبوونەوەی ئەمریکا زیاتر دەکەین

ئاڤا نیوز

 

کۆریای باکوور ڕایدەگەیێنێت لە بەرامبەر هەوڵەکانی ئەمریکا بۆ پێداچوونەوە بە بەرنامەی ستراتیژیی ئەتۆمی، توانا ئەتۆمییەکانی خۆیان بەهێزتر دەکەن.

 

ڕاگەیێنراوی فەرمی: ئاژانسی هەواڵی فەرمیی کۆریای باکوور ڕایگەیاند، پیۆنگ یانگ ئەو هەوڵەی ئەمریکا سەرکۆنە دەکات و هاوکات تەواوی توانا ستراتیژییەکانی خۆی بۆ ڕووبەڕووبوونەوەی هەر جۆرە هەڕەشەیەکی ئەمنیی چاوەڕوانکراو  پەیوەست بە پڕۆگرامی نوێی ئەمریکا، بەهێزتر دەکات.

 

زانیاریی زیاتر: بە گوێرەی ڕاپۆرتێکی نیویۆرک تایمز، مانگی ئاداری ڕابردوو جۆ بایدن، سەرۆکی ئەمریکا، داڕشتنی پلانێکی بۆ خۆئامادەکردن بۆ ئەگەری شەڕی ئەتۆمیی لەگەڵ ڕووسیا، چین و کۆریای باکوور پەسەند کردووە.